Song Lyrics Unknown - Captain Wedderburns Courtship    [Lyrics & Song Text Archive] lyrics archive>> U>> Unknown Singer Lyrics [Unknown other resources]>> Captain Wedderburns Courtship Song Lyrics Author/Artist/Singer: Unknown Music Title/Track: Captain Wedderburns Courtship Theme ID: 3601 Album: N/A CAPTAIN WEDDERBURN'S COURTSHIP The Laird o' Roslin's daughter Walked through the woods her lane And met wi' Captain Wedderburn, a servant tae the King Says he untae his servant man, "Were't nae against the law I'd tak her tae my ain bed and lay her at the wa'" "I'm walkin' here my lane," she says, "Amang my faither's trees An' you maun let me walk my lane, kind sir now, if you please The supper bell it will be rung an' I'll be missed awa' So I'll nae lie untae your bed at either stock or wa'" Says he, "My bonnie lady, I pray gie me yer hand And ye'll hae drums and trumpets always at your command And fifty men tae guard ye wi' that weel their swords can draw So we'll baith lie in ae bed, an' ye'll lie at the wa'" "Oh haud awa fae me, kind sir, I pray let go my hand The supper bell it will be rung - I maun no longer stand My faither will nae supper tak' if I am missed awa' So I'll nae lie untae your bed at either stock or wa'" My name is Captain Wedderburn, my name I'll ne'er deny And I command ten thousand men upon yon mountain high If yer faither and his men were here o' them I'd stand nae awe But I'd tak' ye tae my ain bed and lay ye at the wa'" Then he lap off his milk-white steed and set the lady on And a' the way he gaed on foot and held her by the hand He held her by the middle jimp for fear that she would fa' Saying, "I'll tak' ye tae my ain bed and lay ye at the wa'" He's ta'en her tae his lodging hoose, the landlady looked ben Sayin, "Many's a pretty lady in Edinburgh I've seen But sicna bonnie lady is nae intae it at a' So mak' for her a fine down bed and lay her at the wa'" Oh haud awa' fae me, kind sir, I pray ye let me be For I'll nae lie untae your bed till I get dishes three It's dishes three ye maun dress me, gin I should eat them a' Afore I'll lie untae your bed at either stock or wa'" "For my supper I maun hae a chicken withoot a bane An for my supper I maun hae a cherry withooten a stane An for my supper I maun hae a bird withoot a ga' Afore I'll lie untae your bed at either stock or wa'" "When the chicken's in the shell, I'm sure it has nae bane And when the cherry's in the bloom, I wat it has nae stane The doo she is a genty bird, and flies withoot a ga' So we'll baith lie in ae bed and ye'll be at the wa'" "Oh haud awa' fae me, kind sir, I pray ye gie me ower For I'll nae lay untae your bed till I get presents fower It's presents fower ye maun gie me and that is twa an' twa Afore I'll lie untae your bed at either stock or wa'" "I maun hae some winter fruit that in December grew And I maun hae a silken goon that waft gaed never through A sparrow's horn, a priest unborn this nicht tae join us twa Afore I'll lie untae your bed at either stock or wa'" "My faither has some winter fruit that in December grew My mither has a silken goon that weft gaed never through A sparrows horn ye sune would find - there's ain on ilka claw And twa upon the gob o'it and ye shall hae them a'" The priest he stands withooten the yett just ready tae come in Nae man can say that he was born, nae man unless he sin For he was whale-cut fae his mither's side and fae the same lat fa' So we'll baith lie in ae bed an' ye'll lie at the wa" Oh little did that lady think that morning when she raise That this was for tae be the last o' a' her maiden days But noo there's nae within the realm tae be found a blither twa For noo she's Mistress Wedderburn and she lies at the wa'" Child #46 @courtship @riddle @ballad sung by Jean Redpath filename[ CAPWEDER play.exe PADWEST play.exe CAPWEDER SF ===DOCUMENT BOUNDARY Related Lyrics Random lyrics: Casey Jones The Union Scab, Castle Of Dromore, Cat Came Back, Cats Are Taking Over, Cats On The Rooftops, Cayman Island Anthem Text, Cecelia, Champion At Drivin Em Crazy, Chandlers Wife, Changes, Charlie Green Play That Thing, Charlie Is My Darling, Chastity Belt, Chatsworth Wreck, Cheerily Man, Cherry Tree Carol, Cheseapeake Gold, Chester, Chestnuts Roasting, Chicken On A Raft, Chickens Are Into The Tomatoes, Chickens In The Garden, Child Of The Railroad Engineer, Children Draw Guns, Children Go Where I Send Thee, Children Of Darkness, Chile Native Anthem Text, Chilly Scenes Of Winter, Chilly Winds, China Anthem Text, Chinee Bumboatman, Chinese Truck, Chivalrous Shark, Christ Child Lullaby, Christ Was A Traveler, Christmas Goose, Christmas In The Trenches, Cielito Lindo, Cigarettes Whiskey And Wild Wild Women, Cinco Duros, Cindy, Circle Game, Circumstances Alter Cases, City Of Baltimore, City Of New Orleans, Clares Dragoons, Clear Away In The Morning, Clear Away The Morning Dew, Clear The Track, Clementine, Other Unknown song Lyrics 99 Bottles of Beer on the Wall Lyrics A Bird in a Gilded Cage Lyrics A Fenian Song Lyrics A Fool Such As I Lyrics A Friend Like You Lyrics A Hero of the Wrong War Lyrics A Horse Named Bill Lyrics A Hundred Years from Now Lyrics A Kangaroo Sat on an Oak Lyrics A Little Bit of Solitude Lyrics A Living Wage Lyrics ...Show All Other Artists Unknown Prophets Lyrics Unleashed Lyrics Unleashed Power Lyrics Unlimited Nation Lyrics Unlimited Sound Lyrics UNLOCO Lyrics Unlord Lyrics UNLV Lyrics Unni Wilhelmsen Lyrics Uno Svenningsson Lyrics All lyrics are property and copyright of their owners and are strictly for educational purposes only. lyricstrue.net Copyright © 2005-2007 All Rights Reserved., , Privacy policy